【世纪难题】新垣结衣 vs 石原里美你点拣?用「男友视角」拍

 

【世纪难题】新垣结衣 vs 石原里美你点拣?用「男友视角」拍

老老实实,呢篇稿可以话係纯粹满足小编(及大家)要睇两位女神,就係新垣结衣BB同石原里美BB啰!其实事情係咁,话说结衣BB近日有个新CM出咗,而且网上疯传,因为呢个CM真係可以激发一众男士无穷的想像力,点解?因为呢个CM用咗「男友视角」的拍摄手法,而且扮足用手机拍摄的视角,充满临场感,睇得投入之余,简直就好似(係好似咋)结衣BB真係一边洗碗一边同你倾计咁,係唔係果一刻好想同结衣BB疯狂洗碗呢?唔讲咁多,睇睇片先!

而讲到用「男友视角」拍CM,有网友又记得另一位女神石原里美(石原さとみ)其实之前都有拍过喎,虽然就唔似得结衣BB的CM咁有「Home feel」,不过剧情上一样吸引,你(FF吓)係要扮演石原BB嘅上司,面对面倾计,石原BB又要边你(继续FF)调酒,又点点点咁,一样咁投入,死喇呢次…btw,石原BB呢系列广告有好多版本、唔同剧情,记得睇晒佢,去片~

咁你会拣结衣BB定石原BB呢?世纪难题,小编真係唔识拣…orz

但讲到用「男友视角」这个拍摄手法,又点可以唔提一下人气红爆的俄罗斯摄影师Murad Osmann同佢女友Nataly Zakxarova的情侣放闪系列「Follow Me」,所有相都係手拖手环游世界,然后摄影师从后用男友的角度拍摄,虽然几乎所有相都见唔到女友的正面,不过一样闪爆大家的眼睛。他们几年前开始拍摄,旋即引起好多人注意,成为世界级爆红的摄影师之一。下面欣赏一下他们的作品,有兴趣可以Follow他们的IG:muradosmann。

上一篇: 下一篇: